Лабрадор ретривер

Темперамент

• лесно прилагодливи, послушни, добродушни, љубезни, друштвени и верни

Големина и нега

Големина: Не е наведено во изворниот профил.

Крзното на лабрадорот треба да се четка еднаш неделно, а два пати неделно кога се митари. Четкајте ги со цврста четка со запци обрнувајќи повеќе внимание на внатрешното слој на крзното. Добро ќе живеат во стан доколку ја задоволуваат својата потреба за движење. Како и да е, најдобро би било доколку имаат пристап до двор.

Потекло

Лабрадорот потекнува од Њуфаундленд, Канада и се верува дека еволуирал од кучето на Св. Џон и водниот шпаниел. Овие кучиња биле одгледувани од рибарите уште во 1800 години на кои има помагале да ги извадат уловените риби од реките. По некое време овие лабрадори пристигнале во Англија каде ги вкрстиле со други ретривери при што се подобриле нивните квалитети. Американскиот кинолошки клуб ја признал расата во 1917 година од кога нивната популарност полека но сигурно растела, за денес да е една од најпопуларните раси на планетава. Тие се ценети поради нивната сестраност, послушност и цврст, груб, но добар изглед. Многу се подучливи, па денес тие не се само популарни како домашни миленици, туку и како добри ловџиски кучиња, добри чувари, добри трагачи кои и помагаат на полицијата да пронаоѓа наркотици и експлозиви, а и водачи и помошници на слепите и инвалидизираните луѓе.

Земја

Канада

Класификација

ловџиско куче (птичар) и домашно милениче

Крзно

Лабрадорот има кратко, густо, дебело крзно кое е отпорно на различни временски услови. Бојата на крзното може да биде црна, чоколаднокафеава или жолта. Можни се мали бели делови на градите. Можно е во исто легло да се јават мали лабрадори со сите бои на крзно.

Тело

Лабрадорите се солидно градени и цврсти кучиња. Телото е нешто подолго отколку што е високо. Грбот им е долг и рамен, слабината широка, а градите длабоки со широки и добро распоредени ребра. Рамениците се долги и закосени. Главата им е широка. Носот е голем и црн кај лабрадорите со црно и жолто крзно и кафеав кај лабрадорите со кафеаво крзно. Рилката е прилично широка. Вратот е пропорционално широк и моќен. Очите се со средна големина и треба да бидат кафеави кај црните и жолтите лабрадори и во боја на лешник кај кафеавите лабрадори. Некои лабрадори може да имаат и зеленкасти очи. Ушите се со средна големина, поставени поназад, во форма на висулец и висат блиску до образите. Опашката е покриена со кратко крзно, дебела во основата и постепено се стеснува кон врвот. Шепите се цврсти и компактни со мрежичка меѓу прстите што им помага во пливањето. Иако не се посебно класифицирани, постојат два вида на лабрадори, американски и англиски вид кои имаат посебна лоза. Англиските лабрадори се потешки и покрупни отколку американските кои се најчесто високи и долгнавести.

Боја

црна, чоколаднокафеава и жолта

Висина

53 – 61 см.

Тежина

25 – 34 кг.

Грижа

Крзното на лабрадорот треба да се четка еднаш неделно, а два пати неделно кога се митари. Четкајте ги со цврста четка со запци обрнувајќи повеќе внимание на внатрешното слој на крзното. Добро ќе живеат во стан доколку ја задоволуваат својата потреба за движење. Како и да е, најдобро би било доколку имаат пристап до двор.

Карактер

Лабрадорите се многу лесно прилагодливи, послушни, добродушни, љубезни, друштвени и верни. Добро се сложуваат со децата, други кучиња и други домашни миленици. Пријателски се настроени и кон туѓинци, па не се добри чувари. Желни се за човечкото друшто и потребно им е да се почувствуваат како дел од семејството. Многу ќе се приврзат со семејството кое ги чува и ќе му бидат крајно посветени. Некои лабрадори сакаат да џвакаат и гризаат работи во домот, но може да ги истренирате да не го прават тоа. Тие се многу атлетски и додека се мали се особено активни. Имаат добар осет за мирис. Сакаат да си играат, особено во вода и никогаш нема да испуштат прилика за пливање.

Дресура

Лабрадорите учат многу брзо и обожаваат да му удоволуваат на својот газда. Многу се подучливи па лесно ќе ги научите на сите задачи и трикови кои сакате. Се препорачува да го научите како да се однесува кога се врзани на ремен уште додека се мали, затоа што ќе пораснат во големи и силни кучиња кои тогаш тешко ќе ги контролирате да не ви го влечат ременот или да излетуваат низ врати и излези. Исто така, треба да се поставите како авторитетен лидер, да не ги оставате премногу сами на себе и да го одржувате нивното физичко и ментално здравје, бидејќи во спротивно лабрадорите знаат да станат деструктивни. Ова се активни кучиња кои се способни да научат најразлични трикови и спортови. Обожаваат фризби и пливање.

Темперамент

лесно прилагодливи, послушни, добродушни, љубезни, друштвени и верни

Тренинг

На лабрадорите им е потребно многу движење. Лесно ќе се адаптираат на активностите на фамилијата, но потребно им е и дополнително движење и вежби. Уживаат во долги прошетки, ловечки и водни игри, како и игри на фачање и врачање на топки, играчки или на пример фризби. Потребно им е редовно раздвижување за да спречите да станат многу бучни и хиперактивни. Водете ги на долги и брзи прошетки или оставете ги да трчаат покрај вашиот велосипед или покрај вас кога џогирате.

Исхрана

Лабрадорите се склони кон брзо дебелеење и може да јадат многу, па ќе треба да внимавате на нивната исхрана и да им одржувате здрава диета.

Заболувања

Склони се кон дисплазија на колковите и зглобовите, проблеми со очите и инфекции на ушите.

Хипоалергеност

2

Животен век

10 - 12