milenicinja.mk » Занимливости » Ушите се огледало на душата

Ушите се огледало на душата

Објавено: 28/Mar/2019 во 23:04

Ушите се огледало на душата
Кога станува збр за говорот на телото, најчесто се фокусираме на опашката, муцката, погледот или ставот на кучето. Но, и ушите можат да ни кажам многу за неговите чувства. 

Научниците за однесување на кучиња се согласиле дека сопствениците често имаат потешкотии при „читање“ на положбата на ушите кај својот миленик. Но доколку се обрне доволно внимание, јасно може да се види што кучето има да ни порача. 

Тага 

Пред се, ова се однесува на ситуација каде кучињата ги свиткуваат ушите на назад и ги спојуваат до глава. Ваквата позиција покажува на некоја негативна енергија, најчесто тага. Се случува кучињата на овој начин да искажуваат тага на пример ако сопственикот отпатува или ако го одведе дома додека пријателите уште се во парк и се играат. 

Страв 

Кога ушите се поставени на назад, кучињата можат да укажат на тоа дека се плашат, односно дека нешто го исплашило. Кога е исплашено, кучето најчесто ги собере усните, а очите му се широко отворени. 

Нервоза 

Кога се под стрес, кучињата повторно ќе ги соберат ушите надолу во комбинација со длабоко дишење, лижење на устата искажувајќи тензија. Ваквото однесување најчесто може да се забележи кај кучињата кои не сакаат возење во автомобил, особено ако одат кај ветеринар, или кај кучиња кои не се навикнале на деца а се наоѓаат во друштво со неколку мали околу себе кои се гласни. 

Запознавање 

Кучето може да ги собере ушите на назад и кога се запознава со други кучиња. Според зборовите на научниците, тоа е начин да се смири и прифати пријателско однесување со друго куче на кое исто така ушите му се опуштени. 

Заштита и заинтересираност 

Не е реткост кучето пред да загризе, да ги повлече ушите на назад. Тоа најчесто го прават за да се заштитат од гризнување на друго куче. Исто така забележано е дека кучињата вака ги местат ушите и кога приоѓаат на женка за која се заинтересирани.


Коментари

Најава






Немате корисничко име, регистрирајте се.
прашајте др. ветеринар
изгубено-најдено