Мачорот Клео – доказ за големата верност на животните

Кучињата се синоним за верност и тука нема никаква дилема. Сепак, приказната која следува, покажува дека кога е во прашање вистинска љубов и посветеност, граници за лојалност не постојат и кога станува збор за мачките. Мачорот Клео неодамна е одделен од своето семејство. Во прашање е мачор од осум години кој некогаш одамна е вдомен од улица. Сопственичката на овој мачор е старата дама Ненси Ковен која поради одредени причини морала да оди во дом за стари. Нејзиното семејство не можело да се грижи за крзнениот пријател, па го подариле во соседството. По две недели, Клео одлучил да го напушти своето ново семејство и да тргне во потрага по својата сакана сопственичка Ненси. Две недели по пристигнување на Ненси, во нашиот двор се всели мачор. Беше многу чудно бидејќи дојде одеднаш и цело време спиеше на клупата пред зграда – изјавила Лора Костело, една од вработените во домот за стари. Мачката продолжила да се појавува и во наредните денови. Една вечер Ненси со својата болничарка излегла на прошетка и го забележала мачорот. Поточно таа искоментирала дека овој мачор многу наликува на нејзиниот мачор на кој му бил оштетен опашот поради сообраќајна несреќа. Болничарката го проверила мачорот и сфатила дека станува збор за истиот кој го спомнува старата дама. Сите членови на домот за стари едногласно се сложиле со тоа мачорот да остане покрај својата сопственичка колку сака таа. По сè она што тој поминал, покажал дека неговото место е покрај жената која најмногу ја сака – сопственичката Ненси Ковен. Навистина прекрасна и неверојатна приказна.