Вкусни колачиња од сирење за вашето куче

Доколку немате доверба во купената храна или едноставно сакате да го почестите својот миленик со домашен производ, добро ќе ви дојде овој рецепт. Денес ви предлагаме едноставен рецепт на колачиња од сирење за вашиот миленик. Состојки: 1 шолја пченично брашно 1 шолја изрендано сирење 1 кафена лажица масло ½ шолја млеко Постапка за правење: Измешајте го брашното со сирење и додајте го маслото. Вклучете ја рерната на 175 степени. Полека додавајте млеко додека не добиете цврсто тесто. Можно е да ви треба и помалку млеко од потребното. Месете го тестото неколку минути на подлога претходно посипана со брашно. Добиеното тесто расукајте го со дебелина од околу 7 милиметри и сечкајте го на парчиња во облик по желба. Добиените колачиња печете ги 15 минути. Кога ќе ја исклучите рерната, оставете ги колачите да се оладат внатре. Кога ќе се оладат можете да го послужите својот миленик.