Политика за приватност на личните податоци при посета на интернет страната на МИСТЕР ПЕТ

Оваа Политиката за приватност на личните податоци го уредува начинот на кој МИСТЕР ПЕТ ДООЕЛ – Скопје ги собира, користи, одржува и открива податоците собрани од корисниците (понатаму: “корисник”) при посета на нејзината интернет страната www.milenicinja.mk (понатаму: ”интернет страна”).
Оваа политика за приватност се однесува единствено за наведената интернет страна и не се однесува за личните податоци што МИСТЕР ПЕТ ги собира од своите корисници на други начини.
Оваа Политика на приватност не се однесува ниту на лични податоци кои ги собираат други интернет страни, до кои пристапувате преку нашaтa интернет страна.

Кои информации ги собираме?

За време на посетата на интернет страната, Вашата приватност целосно се почитува.

При посета на интернет страната, МИСТЕР ПЕТ ги обработува Вашите лични податоци (лични податоци како име, презиме, адреса и информации за контакт), само доколку доброволно ги дадете преку регистрирање на нашата интернет страна, заради користење на нашите услуги и производи, електронски нарачки при online продажба, електронско плаќање на нарачка, наградни игри, анкети.
При електронска наплата на нарачки, МИСТЕР ПЕТ нема пристап до податоците поврзани со Вашата платежна картичка или сметка во банка, бидејќи тие се испраќаат директно до сертифициран процесинг центар за трансакции со платежни картички на самата Банка преку сигурносна врска.

За кои цели се користат собраните податоци и информации?

МИСТЕР ПЕТ ги обработува Вашите лични податоци за подобрување на корисничкото искуство преку унапредување на квалитетот на интернет страната кон корисниците, односно полесна навигација и поедноставно реализирање на интернет нарачка.

МИСТЕР ПЕТ исто така ги обработува вашите податоци за администрирање на содржината, промоциите, анкетите и други функционалности на страната, а се со цел да го подобриме нејзиниот квалитет и услугите што ги нудиме преку неа.

Вашите лични податоци нема да се обработуваат за ниту една друга цел, освен за целта заради која се собрани.

На кој начин се врши обработката на личните податоци?

Обработката на Вашите лични податоци МИСТЕР ПЕТ ги врши согласно прописите за заштита на лични податоци на Република Северна Македонија, преземајќи ги сите пропишани технички и организациони мерки за обезедување на тајност и заштита при обработката на личните податоци со кои располага.
Вработените во МИСТЕР ПЕТ се обврзани да ги чуваат во тајност сите информации (вклучително и личните податоци), до кои ќе дојдат за време на извршувањето на нивните работни задачи.
Личните податоци може да бидат доставени само на надлежните органи, согласно со законски предвидената постапка.

Други информации

Имајќи ја во предвид природата на Интернетот, треба да се напомене дека при неговото користење пасивно и автоматски се собираат податоци за навиките и преференциите на неговите корисници.
При посетата на интернет страната од корисниците, МИСТЕР ПЕТ може да евидентира информации поврзани со нив, кои сами по себе не се доволни за да идентификауваат одредено лице и претставуваат статистички показатели кои се користат заради подобрување на квалитетот на интернет страната. Таквите информации може да ги вклучуваат: името на пребарувачот на интернет, типот на компјутерот, како и технички информации за конекцијата што ја користи корисникот при посетата на интернет страната, како што се оперативен систем и давателот на интернет-услугата, IP (интернет протокол) адреси кои се доделуваат од страна на давателот на интернет-услугата и се различни за секој корисник и слични информации.

Колачиња на пребарувачот на интернет

Колачиња (“cookies”) се мали текстуални фајлови кои се снимаат на вашиот компјутер или мобилен уред заради подобрување на корисничкото искуство и не се поврзуваат со вашите лични податоци кои претходно сте ни ги доставиле.

Со помош на колачињата МИСТЕР ПЕТ го следи движењето на посетителите на интернет страната и на тој начин собира податоци за подобро разбирање за користењето на интернет страната од страна на посетителите, со цел да се подобри корисничкото искуство, да се оптимизира и унапреди функционалноста на интернет страната. Колачињата ни овозможуваат да го препознаеме Вашиот интернет пребарувач, при следната посета на интернет страната. Колачињата може да ги зачуваат Вашите преференции и други технички информации, но не можат да читаат податоци или информации од вашиот хард диск или мобилен телефон, ниту пак да читаат други зачувани фајлови за колачиња од други интернет страни.

МИСТЕР ПЕТ користи неколку видови на колачиња при работењето на интернет страната:
– Неопходни колачиња – колачиња кои се неопходни за правилно функционирање на основните функции на веб-страната како навигација, онлајн купување, наплата, статистика за посета на сајтот, оптимизација на содржината и сл. Тие се најчесто поставени како одговор на одредена интеракција која ја имате со веб-страната, како што се прилагодувањата за Поставки на колачиња, најава или пополнување на електронски форми. Овие колачиња не содржат никакви лични информации и не може да се исклучат со овие поставки. Повеќе опции во врска со користење на колачиња може да прилагодите во Вашиот интернет пребарувач, со цел да ги блокира или да Ве извести за овие колачиња, при што некои делови од веб-страната нема правилно да функционираат.
– Колачиња за аналитика – колачиња кои ни овозможуваат да ги броиме посетите и изворите на сообраќај, со цел да ги измериме и подобриме перформансите на веб-страната. Тие ни помагаат да анализираме кои страници се најпосетени и да видиме како посетителите се движат низ страната. Сите информации што ги собираат овие колачиња се агрегирани и анонимни.
– Функционални колачиња – колачиња кои овозможуваат подобра функционалност и персонализација на содржината на веб-страната. Тие можат да бидат поставени од страна на МИСТЕР ПЕТ, или пак од трети страни, чии услуги сме ги овозможиле на веб-страната. Доколку не се согласите со користење на овие колачиња, некои делови од веб-страната нема правилно да функционираат.
– Колачиња за маркетинг – колачиња кои можат да бидат поставени преку МИСТЕР ПЕТ веб-страната од страна на надворешни партнери. Партнерите може да ги користат колачињата за да Ви покажат релевантни реклами на други веб-страни. Тие директно не ги зачувуваат Вашите лични податоци, туку се насочени кон идентификување на Вашиот интернет пребарувач и/или интернет-уред.
На интернет страната има само таков тип на колачиња што се чуваат на компјутерот на корисникот, согласно во поставките на интернет пребарувачот, кои корисникот ги има поставено.
Со посетата на интернет страната посетителите може да направат избор кој тип на колачиња сакаат да бидат зачувани на интернет пребарувачот, преку опцијата “Поставки за колачиња”. Со кликање на копчето “Се согласувам” или со продолжување на користење на веб-страната, се согласувате да ги зачуваме колачињата опишани во овој документ.
Во поставките на својот интернет пребарувач корисниците може да изберат да пребарувачот да ги одбие или избрише колачињата. Доколку корисниците ја одберат таа можност, одредени делови од интеренет страната може да не функционираат како што е предвидено.

За да ги промените подесувањата за колачиња, притиснете на: Cookie settings

Вашите лични информации при регистрирање, најава, реализирање на нарачка на веб страната

Ние ги користиме информациите за нарачката : Име и Презиме, Адреса, Град, Телефон, Општина и Електронска пошта.

• за да ги исполниме сите нарачки направени преку веб-страницата (вклучително и обработка на вашите информации за плаќање, договарање за испорака или потврди за нарачки)
• за да комуницираме со вас – стапиме во контакт
• за проверка на нашите нарачки за потенцијален ризик или измама.
• исто така податоците кои сте ги споделиле со нас може да ги употребиме за да ви дадеме нови информации или рекламирање во врска со нашите производи или услуги или со кликнување на копчете „Сакам да добивам попусти и информации за производите на МИСТЕР ПЕТ“.

При најава на веб страната им се овозможува на корисиницте: промена на лични информации, следење на историја на нарачки, промена на адреса за достава.

Ремаркетинг

МИСТЕР ПЕТ информациите кои ги собира преку користењето на колачиња (“cookies”), ги користи за ремаркетинг преку Google AdWords и Facebook, односно за свое рекламирање на други интернет страници кои ќе ги посети корисникот, врз основа на претходна посета на интернет страната на www.milenicinja.mk и обезбедена согласност за оваа активност.
Google, Facebook и останати трети страни, прикажуваат АdWords односно т.н. “ads” низ различни интернет страници и апликации кои корисникот ги посетува и користи. Овие “ads” се базираат и на претходните кориснички посети на интернет страната на МИСТЕР ПЕТ преку користење на колачиња.

На пример, кога со посетата на www.milenicinja.mk корисникот се интересирал за производ без да направи конкретна нарачка, со таквата активност се генерира информација која може да се појави во форма на оглас кај Google и Facebook и на корисникот врз основа на неговиот претходен интерес, при посета на друга интернет страна која исто така користи “ads” на Google да му биде презентирана реклама за МИСТЕР ПЕТ или за содржината која ја посетил на страната на МИСТЕР ПЕТ. Сите собрани податоци од МИСТЕР ПЕТ ќе се користат во согласност со оваа Политиката за приватност, односно со политиките за приватност на Google и Facebook за податоците собрани кај нив.

Корисниците можат сами да ги подесат параметрите за начинот на кои Google и и Facebook рекламираат до нив со пристапување на следните страници:

За “Google”: https://support.google.com/ads/answer/2662922?hl=en

За “Facebook”: https://www.facebook.com/ads/website_custom_audiences/

Корисникот може целосно да се откаже од ваквиот начин на рекламирање засновано на неговиот претходен интерес со подесување на поставките за колачиња во интернет прелистувачот кој го користи корисникот. DoNotTrack (“DNT”) е функционалност која му овозможува на корисникот да го подеси својот интернет пребарувач да ги информира интернет страниците дека неговото движење на интернет не сака да биде следено.
“DNT” функционалноста корисникот може да ја овозможи или оневозможи со посета на делот “Параметри” (Preferences) или “Поставки” (Settings) на интернет пребарувачот кој го користи.

МИСТЕР ПЕТ информациите кои ги собира преку реализирањето на нарачки исто така може да испраќа пораки во врска со информации за нови производи, промоции или статус на нарачки преку Вибер платформа.

Корисникот може да ги оневозможи пораките кои стигаат преку вибер платформата на следниов начин:
https://help.viber.com/en/article/business-messages

Промени во политиката за приватност на личните податоци

МИСТЕР ПЕТ има право да ја ажурира оваа политика за приватност на личните податоци во кое било време. Кога ќе го направиме тоа, ќе дадеме известување на интернет страната и ќе го ревидираме датумот на ажурирање на крајот на овој документ. Корисникот се согласува дека е негова одговорност периодично да ја проверува Политиката за приватност и дека е свесен за промените.

Прифаќање на условите

Со продолжување на пристапот и користењето на интернет страна www.milenicinja.mk, корисникот ги прифаќа одредбите од оваа Политика за приватност. Доколку не се согласувате со оваа Политика за приватност, ве молиме да го прекинете пристапот до интернет страната.

МИСТЕР ПЕТ ДООЕЛ Скопје

Датум на ажурирање --------------------